இன்ஸ்டாகிராம்களும் (Instagram), யூடியூப்களும் (YouTube), குறுகிய நேரக் காணொளிகளும் கோலோச்சும் இன்றைய அதிவேக நவீன டிஜிட்டல் உலகத்தில், நிதானமாக வாசிக்கும் "வலைப்பூக்கள்" (Blogs) வழக்கொழிந்து போய்விட்டதாகப் பலர் பேசக் கேட்டிருப்போம். ஆனால், ஆழமான தத்துவார்த்தக் கருத்துக்களுக்கும், பகுத்தறிவுப் பார்வைகளுக்கும் வாசகர்கள் மத்தியில் எப்போதும் தனி இடம் உண்டு என்பதை 'ஊரான் வலைப்பூ' மீண்டும் ஒருமுறை உலக அரங்கில் நிரூபித்துள்ளது!
2010-ஆம் ஆண்டில் தொடங்கப்பட்டு, இன்று 723 பதிவுகளுடன் நடைபோடும் 'ஊரான் வலைப்பூ' (hooraan.blogspot.com) தற்போது 5,00,059 (5 லட்சத்திற்கும் அதிகமான) ஒட்டுமொத்தப் பார்வைகளைக் (Page Views) கடந்து புதியதொரு மைல்கல்லை எட்டியுள்ளது!
வெறும் எண்களாக மட்டுமில்லாமல், உலக வரைபடம் எங்கும் பரந்து விரிந்து வாழும் தமிழர்கள் இந்தத் தத்துவார்த்த எழுத்துக்களைத் தங்கள் நெஞ்சாரத் தாங்கிப் பிடித்துள்ளனர் என்பதை கூகுள் அனலிட்டிக்ஸ் தரவுகள் மிகத் தெளிவாகக் காட்டுகின்றன.
உலகளாவிய வாசகர்களின் பேராதரவு:
- இந்தியா: 1,40,000 பார்வைகள்
- ஹாங்காங்: 88,500 பார்வைகள்
- அமெரிக்கா (USA): 79,700 பார்வைகள்
- சிங்கப்பூர்: 67,000 பார்வைகள்
- ஜெர்மனி: 19,700 பார்வைகள்
- வியட்நாம்: 13,100 பார்வைகள்
- ரஷ்யா: 7,440 பார்வைகள்
- கனடா: 5,780 பார்வைகள்
- ஐக்கிய அரபு அமீரகம் (UAE): 5,470 பார்வைகள்
- பிரிட்டன் (UK): 4,630 பார்வைகள்
மற்றும் பிரான்ஸ், ஆஸ்திரியா, பின்லாந்து, சீனா, மெக்சிகோ உள்ளிட்ட பல உலக நாடுகளிலிருந்து ஆயிரகனக்கணக்கான பார்வைகளைப் பெற்றுத் தொடர்ந்து உலகை வலம் வந்து கொண்டிருக்கிறது.
கருத்து வறட்சி மிகுந்த சமூக ஊடகச் சூழலில், சமரசம் இல்லாத பகுத்தறிவுக் கருத்துக்களையும், வர்க்கப் பொருள்முதல்வாதப் பார்வைகளையும் தொடர்ந்து வாசித்து, விவாதித்து, கடந்த 16 ஆண்டுகளுக்கும் மேலாக பேராதரவு வழங்கி வரும் உலகத் தமிழ் நெஞ்சங்கள் அனைவருக்கும் எனது மனமார்ந்த, நெகிழ்ச்சியான நன்றிகள்!
உங்களின் இந்த ஆதரவே எத்தகு சமூக அழுத்தங்களுக்கு மத்தியிலும் தொடர்ந்து எழுதவும், சமூகக் கருத்துக்களை “ஊரான்” (hooraan.blogspot com), மற்றும் "எதிர்த்து நில்" (ethirthunil.blogspot.com) தளம் வழியாகப் பதியவும் பெருவீரியத்தைத் தருகிறது!
தொடர்வோம் தத்துவார்த்தக் களத்தில்...
ஊரான்@தமிழ்மணி@
பொன்.சேகர்
No comments:
Post a Comment