Showing posts with label மின்சாரம். Show all posts
Showing posts with label மின்சாரம். Show all posts

Tuesday, 12 May 2020

அருளற்ற ஆட்சியாளர்கள்! தொடரும் துன்ப துயரங்கள்…..

நிலக்கரியை எரித்து மின்சாரம் தயாரிக்கப்படும் அனல் மின் நிலையங்களிலிருந்து வெளியேறும் வாயு நிலையில் உள்ள சாம்பல் துகல்களை ஈர்த்து வெளியேற்றுவதற்காக எலக்ட்ரோ ஸ்டாடிக் பிரசிபிடேட்டர் (ESP) என்ற அமைப்பு செயல்படுகிறது. உயர் மின் அழுத்தத்தில் சாம்பல் துகல்கள் எதிர்மறை அயனிகளாக மாற்றப்பட்டு நேர்மறை தகடுகளில் ஈர்க்கப்பட்டு வெளியேற்றப்படுகிறது. இத்தகைய நிகழ்வுக்குப் பெயர் கரோனா விளைவு. (Corona effect). சாம்பல் துகல்கள் அயனிகளாக மாற்றப்படும் போது சூரியனைப் போன்று தீப்பிழம்பாய் காட்சியளிக்கும். இதில் ஒரு மனிதன் மாட்டிக் கொண்டால் சாம்பலாகத்தான் வெளியே வரமுடியும். மிகவும் எச்சரிக்கையாகக் கையாள வேண்டிய ஒரு தொழில் நுட்பம் இந்தக் கரோனா விளைவு.

இதற்குச் சற்றும் சளைத்ததல்ல இன்று உலகையே அச்சுறுத்தும் கரோனா நோய்க் கிருமி. கரோனாவைக் காரணம் காட்டி ஆட்சியாளர்கள் அறிவித்த ஊரடங்கால் மக்கள் படும் துன்பங்களைப் பார்க்கும் போது கருணையற்ற இந்த ஆட்சியாளர்கள் கரோனாவைவிடக் கொடியோர் அல்லவோ!

துளிஇன்மை ஞாலத்திற்கு எற்றற்றே வேந்தன்
அளியின்மை வாழும் உயிர்க்கு (557)

“மழையில்லாமை உலகத்திலுள்ள உயிர்கட்கு விளைக்கும் துன்பம் எத்தகையதோ; அத்தகையதே அரசின் அருளின்மை அவன் நாட்டு வாழும் குடிகட்கு விளைக்கும் துன்பமும் ஆகும்” என்கிறான் வள்ளுவன்.

துன்ப – துயரங்கள் காட்சிகளாய்…..































ஊரான்

தொடர்புடைய பதிவுகள்

கரோனா ஊழல் முறைகேடு! வாலாசாப்பேட்டையில் போராட்டம்!

கரோனா: நாய் வாலை நிமிர்த்த முடியுமா?

கரோனாவும் இஸ்லாமியர்களும்: பீலாவுக்கு ஆப்பு வைத்த அமைச்சர் விஜயபாஸ்கர்!

Sunday, 11 November 2012

பதிவர்களின் சிந்தனைக்குச் சிறை!


தொடரும் மின்வெட்டு, சில்லரை வணிகத்தில் அந்நிய முதலீடு, தென்னகத்தில் சாதிக் கலவரம், தருமபுரியில் வன்னிய சாதி வெறி என நாடெங்கிலும் பிரச்சனைகள் உருவெடுத்துள்ளன. இது குறித்து நமது கருத்துக்களை வலைப்பூக்களில் பகிர்ந்து கொள்ள முடியாத சூழலில் சென்னை தவிர்த்த தமிழகத்தின் பிற பகுதிப் பதிவர்கள் தவித்து வருகிறார்கள்.

மின்வெட்டினால் தொழில்கள் பாதிப்பு, அதனால் தொழிலாளர்களுக்கு வேலை இழப்பு, மாணவர்களின் படிப்பு பாதிப்பு, தூக்கம் கெடுதல் கொசுக்கடிக்கு ஆளாவதால் பல்வேறு நோய்களுக்கு ஆட்படுதல், மொத்தத்தில் அன்றாட வாழ்க்கையே சீர்குலைந்து சின்னாபின்னமாகி உள்ளது.

எப்பொழுது மின்சாரம் வரும் எப்பொழுது போகும் என்று சொல்ல முடியாது. எனக்கு கிடைக்கிற நேரமோ மாலை 6 மணி முதல் 9 மணி வரைதான். இதில் ஒரு மணி நேரம்தான் மின்சாரம் இருக்கும். இதற்குள் நான் பிற வலைப்பூக்களை படித்துவிட்டு பின்னூட்டம் போடுவதா அல்லது சொந்த வலைப்பூவில் பதிவிடுவதா; எதைச் செய்வது என்ற குழப்பத்திற்கு ஆட்படுவதால் ஒரு விதத்தில் எனது சிந்தனை ஓட்டமே நின்று போனது என்றுதான் சொல்ல வேண்டும். மொத்தத்தில் மின்வெட்டு நமது சிந்தனையை சிறையில் அடைத்துவிட்டது.

இந்தப்பதிவைக்கூட ஆழமாக சிந்திக்க நேரமின்றி அவசர அவசரமாக பதிவிட்டுள்ளேன்.