முன்னுரை:
2014-ல் பாஜக ஆட்சிப் பொறுப்பேற்ற ஓராண்டிலேயே, அவர்கள் கொண்டு வரப்போகும் மக்கள் விரோதத் திட்டங்களை நாம் எச்சரித்திருந்தோம். இந்த கட்டுரைக்கு கீழே, 'தொடர்புடைய பதிவுகளில்' உள்ள மூன்று இணைப்புகளிலும் இவை விரிவாக விளக்கப்பட்டுள்ளன.
இன்று பத்து ஆண்டுகள் கடந்துவிட்ட நிலையில், அந்த அச்சங்கள் அனைத்தும் உண்மையாகிவிட்டன. நாட்டின் பொருளாதாரம், உற்பத்தித் துறை மற்றும் சமூகக் கட்டமைப்பு என அனைத்தும் சிதைக்கப்பட்டு வரும் வேளையில், தமிழ்நாடு இன்று தனது மிக முக்கியமான தேர்தலைச் சந்திக்கிறது. இது வெறும் ஆட்சி மாற்றத்திற்கான தேர்தல் அல்ல; நமது பண்பாடு, நாகரிகம் மற்றும் அடையாளத்தைக் காப்பதற்கான தேர்தல்.
.jpeg)
பாஜகவின் மக்கள் விரோதத் திட்டங்களும் தமிழ்நாட்டின் அச்சமும்:
கடந்த காலங்களில் நாம் சுட்டிக்காட்டியபடி, பாஜகவின் திட்டங்கள் அனைத்தும் சாமானிய மக்களுக்கு எதிரானவை. கார்ப்பரேட்டுகளுக்குச் சாதகமான பொருளாதாரக் கொள்கைகள், பொதுத்துறை நிறுவனங்களின் விற்பனை, மற்றும் மாநில உரிமைகளைப் பறிக்கும் திட்டங்கள் எனத் தொடர்ந்து தமிழ்நாட்டைப் புறக்கணித்து வருகின்றன.
பாஜகவும், அதனுடன் கூட்டணி வைத்துள்ள அதிமுக உள்ளிட்ட கட்சிகளும் அதிகாரத்தைப் பிடித்தால், கடந்த பத்து ஆண்டுகளில் இந்தியா முழுவதும் அரங்கேறிய அதே பேரழிவுகள் தமிழ்நாட்டிலும் தொடரும். இது வெறும் அரசியல் மாற்றம் அல்ல, நமது மண்ணின் ஆன்மாவைச் சிதைக்கும் முயற்சி.
விஜய் போன்ற புதிய வரவுகளின் பின்னணி:
திமுக எதிர்ப்பு என்ற ஒற்றைப் புள்ளியை முன்னிறுத்தித் தற்போது களம் இறக்கப்பட்டுள்ள 'தமிழக வெற்றிக் கழகம்' விஜய் போன்றவர்கள், உண்மையில் திமுகவை வீழ்த்துவதற்காகச் சங்பரிவாரக் கும்பலால் ஏவி விடப்பட்டவர்கள் என்பதை நாம் உணர வேண்டும். தமிழ்நாட்டின் திராவிட இயக்க வரலாற்றையும், சமூக நீதிப் பின்புலத்தையும் சிதைக்கத் துடிக்கும் சக்திகளின் கைக்கூலிகளாகவே இவர்கள் செயல்படுகின்றனர். இவர்களது அரசியல் வரவு என்பது சனாதன சக்திகளுக்குத் தமிழ்நாட்டில் வழி ஏற்படுத்திக் கொடுக்கும் ஒரு தந்திரமே தவிர வேறல்ல.
பொருளாதாரப் புறக்கணிப்பும் இலவசப் பேச்சுகளும்:
இந்தத் தேர்தலிலும் தமிழ்நாட்டின் அடிப்படைப் பொருளாதாரம், சிறு தொழில் வளர்ச்சி மற்றும் உற்பத்தித் துறை மேம்பாடு குறித்த ஆக்கப்பூர்வமான விவாதங்கள் மறைக்கப்படுகின்றன.
கவர்ச்சிகரமான அறிவிப்புகளும், இலவசங்களும் மட்டுமே முன்வைக்கப்படுகின்றன. இவற்றை யார் வேண்டுமானாலும் செய்யலாம். ஆனால், தமிழ்நாட்டின் சுயசார்புப் பொருளாதாரத்தையும், வாழ்வாதாரத்தையும் காக்கப்போவது யார்? என்ற கேள்விக்கு பாஜக கூட்டணியிடம் பதில் இல்லை.
அடையாளத்தை இழக்கப் போகிறோமா?
பாஜக கூட்டணி வெற்றி பெற்றால், நமது சனாதன எதிர்ப்பு எனும் திராவிடப் பண்பாடு , தமிழ் மொழி அடையாளம் மற்றும் சமூக நீதி வரலாறு ஆகியவை முற்றிலுமாக அழிக்கப்படும். அதற்குப் பதிலாகப் புதிய 'சனாதன வரலாற்றையும்' பிற்போக்குத்தனமான பண்பாட்டையும் திணிக்கப் பார்ப்பார்கள். நமது மொழி, இனம் மற்றும் கலாச்சார அடையாளத்தை இழந்துவிட்டு நாம் வாழ்வதில் என்ன பயன் இருக்கப் போகிறது?
நமது கடமை என்ன?
எனவே, நமது தனித்துவமான அடையாளத்தையும், சமூக நீதியையும் காக்க வேண்டிய கட்டாயத்தில் நாம் இருக்கிறோம்:
- சனாதன சக்திகளான பாஜகவை முற்றிலுமாகத் தவிர்க்க வேண்டும்.
- அவர்களுக்கு நேரடியாகத் துணை போகும் அதிமுக மற்றும் மறைமுகமாகத் துணை போகும் தவெக , நாம் தமிழர் போன்ற கட்சிகளைத் தோற்கடிக்க வேண்டும்.
- தமிழ்நாட்டின் உரிமைகளுக்காகத் தொடர்ந்து குரல் கொடுத்து வரும் திமுக தலைமையிலான கூட்டணியை பெருவாரியான வாக்குகள் வித்தியாசத்தில் வெற்றி பெறச் செய்ய வேண்டும்.
முடிவுரை:
இந்தத் தேர்தல் வெறும் வாக்குப்பதிவு அல்ல; இது நமது நாகரிகத்தையும், வரலாற்றையும் காக்கும் அறப்போர். நமது அடையாளத்தை இழக்கத் துடிக்கும் அந்நிய சக்திகளிடமிருந்து தமிழ்நாட்டை மீட்டெடுக்க, எதிர் வரும் தேர்தலில் திமுக கூட்டணிக்கு வாக்களிப்போம். நமது அடையாளமே நமது வலிமை!
'வாக்களிப்பது நமது ஜனநாயகக் கடமை' என்று பெருமை பேசுவதில் பொருள் ஏதும் இல்லை. மாறாக திமுக கூட்டணியை வெற்றி பெறச் செய்வதிலேயே நமது ஜனநாயக கடமை உள்ளடங்கியுள்ளது!
ஊரான்
தொடர்புடைய பதிவுகள்
1 comment:
இந்தக் கட்டுரையில் நீங்கள் விரிவாக அலசி இருக்கும் விஷயத்தை இதற்கு முன்பே மூன்று கட்டுரைகளிலும் விளக்கி இருக்கிறீர்கள்.அதே சமயம் இன்றுள்ள சூழ்நிலையில் மக்கள் சில விஷயங்களை முக்கியமாக கவனிக்கிறார்கள். ஒன்று எல்லா குடும்பங்களையுமே சீரழிக்கும் குடியை தடுத்து நிறுத்துவது குறித்து ஏன் ஒரு கூட்டணி கூட பேசவில்லை .
தனிப்பட்ட கட்சிகளும் பேசவில்லை. ஒரு சமுதாயத்தின் சீரழிவு என்பது
& குடியும் சூதும் இந்த போதைப் பொருள் பழக்கமும் . இவை தானே எந்த குற்றச் செயலுக்கும் பின்னால் இருக்கிறது.ஆனால் அதைக் குறித்து அக்கறையோ அதை தடுக்க வேண்டியது அவசியத்தையோ எந்த தலைவரும் அல்லது எந்த கட்சியும் முன் வைப்பதில்லை. என்ன காரணம் ?இவர்கள்தான் அத்தனை பேரும் அந்த போதைப் பழக்கங்களுக்கு இருக்கும் வருமானத்தை மட்டுமே பார்க்கிறார்கள் என்று எல்லோரும் சொல்வதைப் போல நான் சொல்லவில்லை. ஒரு சமுதாயத்தை எப்படி கட்டமைத்திருக்கிறோமோ அந்தக் கட்டமைப்பை மாற்ற வேண்டும் என்று எவ்வளவு தான் செயல்களை செய்து நாம் நாயக்கர் காலம் முஸ்லிம் மற்றும் பிரிட்டிசாரிடம் அடிமையாக்கி அப்போது கூட நமது கலாச்சார பண்பாடுகளில் தாக்கம் ஏற்படுத்த அந்த அந்நிய சக்திகளால் முடியவில்லை. ஆனால் இப்போது ந் பிறந்து இந்தியாவிலேயே வளர்ந்து சகோதரர்களாக இருக்கும் அவசியத்தை உணர்ந்து கொண்ட தலைவர்கள் இந்த நாட்டிலே பிறந்து வளர்ந்த இந்த நாட்டிலே பிறந்து வளர்ந்து தனக்கான மார்க்கமாக கிறிஸ்துவத்தையோ பௌத்தத்தையோ ஏற்று கொண்டவர்களையும் எப்படி எதிரிகளாக சித்தரிக்க முடிகிறது. அதை இவர்களால் ஏற்றுக் கொள்ள முடிகிறது இது என்ன வகையான மனோநிலை? இந்த தமிழ் சமூகத்தின் ஆதிக்க சக்திகள் என்று பிராமணரை மட்டுமே சுட்டிக்காட்டிக் கொண்டிருக்கும் திராவிட இயக்கங்கள் இதன் பின்னணியில் முன்னேறிய வகுப்புகள் என்று தாங்களாகவே முடிசூட்டு ங் சைவர் முதலியார்கள் நாயுடுகள் மற்றும் பெரும்பான்மையான நிலபோகங்களை தன் வசப்படுத்தி இருக்கின்ற முக்குலத்தோர் சமூகத்தை சேர்ந்தவர்களும் தன் ஆதிக்கம் மனப்பான்மையை விட்டு ஒழிக்கவில்லையே இவர்கள் எப்போதுமே தனக்கு இந்த கேள்விகளை முன்வைத்து ஆதிக்கத்தை ஒழித்துக் கட்டி சமூக சமநிலையை உருவாக்க வேண்டும் எனும் பேசுவோர் எதிரிகளாகவே சித்தரிக்கிறார்களே அதை எந்த சித்தாந்தப் போர் என்னவாயிற்று இந்த நாட்டிலே சமூக சமநிலையையும் சாதிய ஒதுக்கு முறைகளை ஒதுக்கி தள்ளி மக்களை ஒன்றுபடுத்தி முன்னேற்றப் பாதையிலே கொண்டு செல்ல வேண்டிய மாகசிய லெனினிய எல்லா இயக்க கம்யூனிஸ்டுகளும் இதைப்பற்றி சிந்திப்பதே இல்லையே ஏன் தனக்குள்ளே கம்யூனிசம் பேசும் தனக்குள்ளே எல்லா கம்யூனிஸ்டுகளும் ஒன்று சேர்ந்து ஒரு அரசியல் கட்சியாக உருவெடுக்க முடியாத போது இவர்கள் சமத்துவம் பேசுவதில் என்ன அர்த்தம் இருக்கிறது? இவர்களையெல்லாம் நம்பி இந்த சனாதன இந்த பார்ப்பனிய இந்த இந்து பதினெட்டு கூட்டத்தை தீவிரவாத கூட்டத்தை எப்படி எதிர்கொள்ள முடியும் இந்த சமூகத்தில்வ்
Post a Comment